Turmeric market rates: देशातील  बाजारात सध्या हळदीला मर्यादीत उठाव दिसत आहे. सध्या देशातील बाजारात हळदीला सरासरी १२ हजार ते १४ हजार रुपयांच्या दरम्यान दर मिळत आहे. तर राज्यातील बाजारात हळद ११ हजार ते १३ हजाराने विकली जात आहे. राज्यातील बहुतांशी बाजारात मागील काही दिवसांपासून कांद्याचे दर एका भावपातळीवर स्थिर दिसत आहेत. सध्या राज्यात कांद्याला सरासरी १२०० ते १६०० रुपयांच्या दरम्यान भाव मिळत आहे. राज्यातील बाजारात गवारचे दर तेजीत आहेत. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. बाजारात कोबीची आवक कायम आहे. कोबीला सध्या सरासरी प्रतिक्विंटल १८०० ते २ हजार रुपयांचा भाव मिळत आहे. तुरीच्या बाजारातील मंदी कायम आहे. सध्या बाजारात तूर प्रतिक्विंटल सरासरी ६ हजार ते ६ हजार ५०० रुपयांच्या दरम्यान विकली जात आहे.