Flower Cultivation: ऐन उन्हाळ्यात रायगडमध्ये पाणीटंचाईचे संकट गडद होत असताना पेण तालुक्यातील खारेपाट भागातील शेतकरीबंधूंनी प्रेरणादायी उदाहरण सर्वांसमोर ठेवले आहे. ठाकूरबेडीतील प्रगतिशील शेतकरी नागेश ठाकूर यांनी तलावाच्या पाण्याने फुलशेती फुलवली आहे. .यामुळे त्यांचे सर्वच स्तरावरून कौतुक होत आहे. पेण तालुक्यातील खारेपाट विभागात गेल्या अनेक वर्षांपासून पिण्याच्या पाण्याची टंचाई भासत आहे. येथील शेतीचे होत असणारे नुकसान पाहता खारेपाट विभाग अनेक समस्यांनी ग्रासलेला आहे..Agricultural Crisis : पाणी आणि विजेची टंचाई कायम; शेतकऱ्यांची चिंता वाढली!.मात्र, आशेचा किरण म्हणून ठाकूरबेडी येथील नागेश ठाकूर आणि गंगाधर ठाकूर या बंधूंनी जिद्द आणि मेहनतीच्या जोरावर तलावाच्या पाण्यापासून फलशेती, फुलशेती, हळद याचा यशस्वी प्रयोग केला आहे..तलावातील पाण्याचा नियोजनबद्ध योग्य आणि शाश्वत वापर करत शेतीत विविध फुलांची, फळांची यशस्वीरित्या लागवड केली असून बाजारात विक्रीसाठी उपलब्ध करत आहेत. सध्या बाजारात फुलांना मोठी मागणी असल्याने शेवंती, झेंडू यासह इतर फुले आर्थिकदृष्ट्या फायदेशीर ठरत आहेत..Floriculture : शेतकरी नियोजन : फुलशेती.फुलउत्पादनात अधिक नफा कसा मिळेल याकरिता ठाकूरबंधूंनी नवी संकल्पना राबवली. आता बाजारात फुलांना १५० ते १८० रुपये प्रतिकिलो भाव मिळत आहे. तालुक्यातील खारेपाट भागात तलावाच्या पाण्याने फुलशेती बहरली असल्याने या स्तुत्य उपक्रमात त्यांचे सर्वत्र कौतुक होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
