Biological Dam: याशिवाय शेतातून वाहणारे पावसाचे पाणी अडविण्याकरिता समपातळी जैविक बांध घातल्यानेही शेतात पाणी मुरण्याचे प्रमाण वाढते. जमिनीच्या उतारानुसार उतारास आडवे खस गवताचे बांध किंवा सुबाभळीचे बांध तयार करावेत. त्यामुळे पाण्यास अडथळा निर्माण होऊन पाणी जमिनीत मुरते. जैविक बांधावर दोन फुटांवर झुडपांची लागवड करावी. झाडांची उंची दोन फुटांपर्यंत ठेवावी. जैविक बांधासाठी वापरात येणाऱ्या झाडांचा पाला-पाचोळा जमिनीवर टाकला जातो तसेच हिरवा चारा म्हणूनही वापर करता येतो.दोन जैविक बांधातील अंतर १२ ते १५ मीटर ठेवावे. जैविक बांधाची रुंदी ३० सें.मी. आणि उंची ३० ते ४५ सें.मी. ठेवावी. यापेक्षा जास्त झाल्यास त्याची छाटणी करावी. शेतात अशा प्रकारचे पाणी आणि माती संवर्धनाचे उपाय केल्यास जमिनीची धूप रोखली जाऊन शेतात पाणी मुरण्याचेही प्रमाण वाढेल.