Sustainable aquaculture: भारत हा दीर्घ सागरी किनारपट्टी आणि भरपूर अंतर्गत जलस्रोत असलेला देश आहे. याच नैसर्गिक संसाधनांचा उपयोग करून मासेमारी उद्योगाने देशाच्या अर्थव्यवस्थेत मोलाचं योगदान दिलं आहे. पारंपरिक मासेमारी आता आधुनिक तंत्रज्ञान, प्रक्रिया व व्यवस्थापनाच्या सहाय्याने अधिक सक्षम होत आहे. मासेमारी केवळ मासे पकडण्यापुरती मर्यादित न राहता, या उद्योगाशी जोडलेली पूरक क्षेत्रं, जसे की मासे प्रक्रिया उद्योग, कोल्ड स्टोअरेज, वाहतूक, मत्स्यजाळे, नौका, मत्स्य खाद्य, औषधे, प्रजनन, मत्स्यबीज उत्पादन, शोभिवंत मासे आणि त्यांचं साहित्य ही रोजगारनिर्मितीमध्ये महत्त्वाची भूमिका बजावत आहेत.