Gokul Milk Price Hike News Updates: कोल्हापूर जिल्हा सहकारी दूध उत्पादक संघाने (गोकुळ) गाय दुधाच्या विक्री दरामध्ये प्रतिलिटर २ रुपयांची वाढ केली आहे. ही दरवाढ २१ मे २०२६ पासून कोल्हापूर, पुणे, मुंबई आणि कोकण विभागातील सर्व शहरांत लागू होईल. केवळ गाय दूध विक्री दरात वाढ केली असून, म्हैस दुधाच्या विक्री दरामध्ये कोणतीही वाढ केलेली नाही, असे गोकुळ दूध संघाकडून सांगण्यात आले आहे. .याआधी देशातील सर्वांत मोठ्या अमूल आणि मदर डेअरी या दूध उत्पादन कंपन्यांनी दुधाच्या दरात प्रति लिटर २ रुपयांची वाढ केली आहे. आता गोकुळ दूध संघानेही दूध विक्री दरात वाढ करण्याचा निर्णय घेतला आहे. इंधनाचा वाढता दर, कच्च्या मालाच्या किंमती तसेच वाहतूक, पॅकेजिंग आणि इतर खर्चात सातत्याने होत असलेल्या वाढीच्या पार्श्वभूमीवर गोकुळ दूध संघाने गाय दुधाच्या विक्री दरामध्ये प्रतिलिटर २ रुपयांची वाढ करण्याचा निर्णय घेतला आहे. .हा निर्णय गोकुळ दूध संघाच्या प्राधिकृत अधिकारी मंडळाच्या मार्गदर्शनाखाली गोकुळ शिरगाव (जि. कोल्हापूर) येथील प्रधान कार्यालयात झालेल्या बैठकीत घेण्यात आला. या दरवाढीत गोकुळच्या (गाय दूध, टोन्ड, शक्ती आणि स्टँडर्ड) या दूध प्रकारांचा समावेश आहे. .Milk Price Hike: अमूल, मदर डेअरीकडून दूधदरात दोन रुपयांची वाढ .गोकुळ दूध संघाने यापूर्वी २१ फेब्रुवारी २०२६ रोजी दूध उत्पादक शेतकऱ्यांच्या हिताचा विचार करून म्हैस दूध खरेदी दरात प्रतिलिटर १ रुपया आणि गाय दूध खरेदी दरात प्रतिलिटर २ रुपयांची वाढ केली होती. त्यावेळी गाय दुधाच्या विक्री दरात कोणतीही वाढ केली नव्हती, असे 'गोकुळ'ने म्हटले आहे..वाढत्या उन्ह्याचा दूध उत्पादनावर परिणाम सध्या वाढलेल्या उन्हाळ्यामुळे जनावरांना त्रास होत आहे. त्याचा परिणाम दूध उत्पादनावर झाला आहे. गेल्या पंधरा दिवसांत दूध संकलनात चढ-उतार दिसून आला आहे. तरीही, मागील वर्षाच्या याच कालावधीच्या तुलनेत सुमारे ४६ हजार लिटरची वाढ नोंदविण्यात आली. उन्हाळ्यात दूध संकलनात होणारे कमी-जास्त प्रमाण हे नैसर्गिक स्वरूपाचे असल्याचे संघाकडून स्पष्ट करण्यात आले आहे..Gokul Milk Administrator: 'गोकुळ'वर ५ अधिकाऱ्यांचे मंडळ प्रशासक म्हणून नियुक्त, मुश्रीफांना धक्का.दूध उत्पादक शेतकऱ्यांना योग्य मोबदला मिळावा तसेच ग्राहकांना दर्जेदार दूध वाजवी दरात उपलब्ध मिळावे, या दृष्टिकोनातून हा निर्णय घेण्यात आला आहे. दूध उत्पादन आणि बाजार परिस्थितीचा आढावा घेऊन दूध खरेदी-विक्री दराबाबत पुढील निर्णय घेतले जातील, असे प्राधिकृत मंडळाच्या अध्यक्ष संजयकुमार सुद्रीक यांनी सांगितले..दूध उत्पादकांच्या हितासह ग्राहकांना उत्कृष्ट आणि दर्जेदार सेवा देणे हा गोकुळ दूध संघाचा नेहमीच प्रयत्न राहिला आहे. तसेच, गोकुळ दूध संघाने परिस्थितीनुरूप घेतलेला हा निर्णय शेतकरी, ग्राहक व संघ यांच्यात समतोल राखणारा आहे. गुणवत्ता, पारदर्शकता आणि ग्राहकांचा विश्वास अबाधित ठेवत संघ पुढील काळातही कार्यरत राहील, असा विश्वास त्यांनी व्यक्त केला..यासंदर्भात झालेल्या बैठकीस प्राधिकृत अधिकारी मंडळाचे अध्यक्ष संजयकुमार सुद्रीक, सदस्य प्रदीप मालगावे, सुनिल धायगुडे, सागर बलकवडे, चंद्रकांत परूळेकर, गोकुळचे कार्यकारी संचालक डॉ. योगेश गोडबोले, संघाचे अधिकारी, कर्मचारी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
