International maize price: निर्यात करणाऱ्या देशांमध्ये साठा कमी झाला किंवा उत्पादनात घट झाली, तर मक्याच्या दराला आधार मिळू शकतो. तसेच, बदलत्या व्यापार धोरणांचाही दरांवर परिणाम होऊ शकतो, असा अंदाज जागतिक स्तरावरील विविध संस्थांनी व्यक्त केला आहे. एफएओच्या ‘ॲग्रीकल्चरल मार्केट इन्फॉर्मेशन सिस्टीम’ (AMIS), बीएमआय रिसर्च आणि युएसडीए या आंतरराष्ट्रीय संस्थांनी २०२५-२६ मधील मका उत्पादन, मागणी आणि किमतींबाबतचे विश्लेषण केले आहे. बीएमआय रिसर्चने स्पष्ट केले आहे की, सीबॉटवरील मका विक्रीचा ओघ वाढल्यामुळे दरांमध्ये घट झाली आहे. वायद्यांच्या व्यवहारांमध्ये मक्याची विक्री वाढली असून नवीन करार मात्र तुलनेत कमी झाले आहेत. यावरून सध्याचा बाजारातील कल लक्षात येतो.