IMD rain update: राज्यात पुढील पाच दिवस काही ठिकाणी जोरदार पावसाचा इशारा देण्यात आला आहे. आज आणि उद्या कोकणातील सर्व जिल्हे आणि मध्य महाराष्ट्रातील घाटमाथ्यावर जोरदार पावसाची शक्यता आहे. विशेषतः सिंधुदुर्ग आणि कोल्हापूरच्या घाटमाथ्यावर काही भागांत जोरदार ते अतिजोरदार पावसाचा रेड अलर्ट जाहीर करण्यात आला आहे. पूर्व विदर्भात देखील काही ठिकाणी येलो अलर्ट जारी करण्यात आला असून, अन्य जिल्ह्यांमध्येही मध्यम ते जोरदार पावसाची शक्यता हवामान विभागाने वर्तवली आहे.