Agriculture Crisis: दुष्काळाची परिस्थिती हाताळण्यासाठी आणि चारा टंचाईवर मात करण्यासाठी प्रशासकीय पातळीवर महत्त्वाचा बदल करण्यात आला आहे. आतापर्यंत स्वतंत्र असलेल्या ‘जिल्हास्तरीय दुष्काळ देखरेख समिती’ आणि ‘चारा डेपो व्यवस्थापन समिती’ यांचे एकत्रिकरण करून ‘जिल्हास्तरीय दुष्काळ व्यवस्थापन समिती’ स्थापन करण्यात आली आहे. कामकाज अधिक सुटसुटीत आणि प्रभावी व्हावे, या उद्देशाने हा निर्णय घेण्यात आला आहे..यापूर्वी दुष्काळ देखरेख आणि चारा डेपो व्यवस्थापन यासाठी दोन वेगवेगळ्या समित्या कार्यरत होत्या. मात्र, दोन्ही समित्यांचा मूळ उद्देश दुष्काळ निवारण हाच असल्याने, वेळ वाचवण्यासाठी आणि समन्वयासाठी या दोन्ही समित्यांचे विलीनीकरण करण्यात आले आहे..Water Scheme Delayed: पाणी योजना चार वर्षांपासून रखडली.यामुळे दुष्काळी उपाययोजनांची अंमलबजावणी कमी वेळेत आणि अधिक गतीने होण्यास मदत होणार आहे. पुनर्रचित समितीमध्ये विविध विभागांच्या तज्ज्ञांचा समावेश करण्यात आला असून, जिल्हाधिकारी हे समितीचे अध्यक्ष असतील. तर सह-अध्यक्ष जिल्हा परिदेचे मुख्य कार्यकारी अधिकारी असतील आणि सदस्य सचिव म्हणून निवासी उपजिल्हाधिकारी असतील. .Water Scarcity: धरणे भरलेली, तरी दिंडोरीत टंचाईची चाहूल.तर या समितीमध्ये सदस्य म्हणून विभागीय वन अधिकारी/उपवनसंरक्षक (चारा व्यवस्थापनासाठी समावेश), जिल्हा जलसंधारण अधिकारी, पशुसंवर्धन व दुग्ध व्यवसाय उपायुक्त, जलसंपदा विभागाचे अधीक्षक अभियंता, वरिष्ठ भूवैज्ञानिक (भूजल सर्वेक्षण व विकास यंत्रणा), जिल्हा अधीक्षक कृषी अधिकारी हे असतील..एकाच छताखाली निर्णयराज्यात खरीप २०१८ पासून जिल्हास्तरीय दुष्काळ देखरेख समिती कार्यरत होती, तर २०२३ च्या दुष्काळी परिस्थितीनंतर चारा डेपो व्यवस्थापनासाठी स्वतंत्र समिती स्थापन केली होती. आता या दोन्ही जबाबदाऱ्या एकाच समितीकडे आल्याने चारा टंचाई, पाणी टंचाई आणि शेतीशी संबंधित दुष्काळी प्रश्नांवर एकाच छताखाली निर्णय घेतले जातील..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
