Jayakwadi dam backwater: जायकवाडी धरणाच्या बॅक वॉटर क्षेत्रातील फुगवटा पाण्यामुळे असंपादित जमिनीत लागवड केलेली पिके सतत पाण्याखाली जात आहेत. गंगापूर तालुक्यातील अमळनेर, लखमापूर, गळनिंब आदी गावांतील शेतकऱ्यांच्या मालकी हक्काच्या जमिनींवर हे पाणी शिरते, परिणामी ऊस, कापूस, सोयाबीन, बाजरी, तूर, मका यांसारख्या पिकांचे नुकसान होते. या नुकसानामुळे शेतकऱ्यांना उत्पादन खर्चही भरून येत नाही. हे आर्थिक संकट वारंवार येत असून प्रशासनाच्या दुर्लक्षामुळे शेतकऱ्यांचे हाल वाढत आहेत.