cotton crop management: वाढलेले तणं पाण्याबरोबरच जमिनीतील अन्नद्रव्ये, प्रकाश आणि जागेसाठी कापसाच्या रोपांशी स्पर्धा करतात. परिणामी, पिकाची वाढ थांबते आणि उत्पादनात मोठी घट दिसून येते. संशोधनानुसार तणांमुळे उत्पादनात ४० ते ८५ टक्क्यांपर्यंत घट होऊ शकते. कापूस हे दीर्घकालीन पीक असल्यामुळे सुरुवातीच्या वाढीच्या टप्प्यावर योग्य आंतरमशागत आणि तण नियंत्रण आवश्यक ठरते. पेरणीनंतरची सुरुवातीच्या ७० दिवसांचा कालावधी तण व्यवस्थापनासाठी अत्यंत निर्णायक मानला जातो. या कालावधीत तण नियंत्रण न झाल्यास उत्पादनावर प्रतिकूल परिणाम होतो.