Crop Insurance: मागील दोन दिवसांपासून राज्यातील बहुतांश भागात पावसाने दाणादाण उडवलीय. नदी, ओढे भरून वाहतायत. काही ठिकाणी पुर परिस्थिति निर्माण झाली. यामध्ये शेती पिकांचं मोठ्या प्रमाणात नुकसान झालंय. सोयाबीन, कापूस, मूग, उडीद, तूर, फळपिकांना मोठा फटका बसलाय. त्यामुळं शेतकरी चिंतातूर झालेत. पिकांचं नुकसान झालं तर पीक विम्याचं कवच आहे. राज्यातील बहुतांश शेतकऱ्यांनी पीक विमा नोंदवलेलाय. राज्याचे कृषिमंत्री धनंजय मुंडे यांनी काल नुकसानग्रस्त भागात पावसाचा जोर कमी होताच नुकसानीचे महसुल आणि कृषी विभगाला पंचनामे करावेत, अशा सूचना दिल्यात. त्यासोबत शेतकऱ्यांनी पंतप्रधान पीक विमा योजनेतून पिकाचा विमा भरलेला आहे, अशा सर्व शेतकऱ्यांनी पीक विमा कंपन्यांना पीक नुकसानीचे पूर्वसूचना निर्धारित वेळेत पूर्ण करण्याचं आवाहन केलं म्हणजेच ७२ तासांच्या आता शेतकऱ्यांना नुकसानीच्या पूर्वसुचना कंपनीला द्याव्या लागणार आहेत. १४४४७ हेल्पलाईनवर क्रमांकावर पीक नुकसानीची पूर्वसूचना कंपनीला देऊन पीक विम्याचा क्लेम करता येईल.