राज्यातील पपईला सध्या चांगली मागणी आहे. वाढती उष्णता आणि रमजान सणामुळे पपईला चांगला उठाव आहे. राज्यातील पपई सध्या देशभरात जात आहे. त्यामुळे पपईला सध्या १७०० ते २ हजार रुपयांचा भाव मिळत आहे. रमजानमुळे केळीला मागणी आहे. केळीच्या भावात मागील काही दिवसांपासून काहीसे चढ उतार सुरु आहेत. सध्या बाजारात सरासरी १८०० ते २ हजार रुपयांचा सरासरी दर मिळत आहे. बाजरीला सध्या देशात मागणी टिकून आहे. सध्या बाजरीला सरासरी २ हजार ६०० ते ३ हजार रुपयांच्या दरम्यान वाण आणि गुणवत्तेप्रमाणे भाव मिळत आहेत. आंतरराष्ट्रीय बाजारात आज सोयाबीन आणि सोयापेंडच्या भावात नरमाई आली होती. आज दुपारपर्यंत सोयाबीनचे वायदे १० डाॅलरवर होते तर सोयापेंड ३०० डाॅलरवर होते. बाजारात आजही सोयाबीन ३ हजार ७०० ते ३ हजार ९०० रुपयांचा भाव मिळत आहे. देशातील बाजारात कापसाच्या भावात काहीसे चढ उतार सुरुच आहेत. बाजारात कापसाला सरासरी ६ हजार ९०० ते ७ हजार १०० रुपयांच्या दरम्यान भाव मिळाला.