Kalam selection in farming: मोठ्या आकाराच्या पिशव्यांमध्ये वयाने मोठी व देखणी रोपे विकली जात असली, तरी त्यांची माहिती जसे की रोपांचे वय, मातृवृक्ष कोणता आहे, रोपे तयार करण्याची पद्धत काय आहे, ही माहिती शेतकऱ्यांना दिली जात नाही. अनेकदा अशा विक्रेत्यांकडे अधिकृत विक्री परवाना नसतो, तसेच कोणताही निश्चित दरही ठरलेला नसतो. परिणामी, अनेक शेतकरी अशा अनधिकृत ठिकाणांहून रोपे खरेदी करून आपल्या शेतात लावतात. परंतु अशा रोपांमुळे पुढील टप्प्यांमध्ये उत्पादनात घट, रोगांचा प्रादुर्भाव किंवा गुणवत्ता कमी होण्यासारखे धोके संभवतात.