Okra Farming: पानाच्या वरच्या बाजूला पांढऱ्या रंगाची छोटी गोलाकार पांढरे चट्टे पडलेले दिसतात. काही दिवसांनी हे सर्व गोलाकार भाग एकमेकांमध्ये मिसळून संपूर्ण पान व्यापतात. संपूर्ण पानावर पांढऱ्या रंगाची पावडर पसरल्यासारखी दिसते. या रोगावर नियंत्रण मिळवायच असेल तर पीकाची फेरपालट करण हा एक चांगला उपाय आहे. यामध्ये दुसरे किंवा आधीचे पीक हे काकडीवर्गीय नसावे. झाडाच्या खालील बाजूची २ ते ३ पाने काढून टाकावीत. ज्या पानावर रोगाची लक्षणे दिसतायत ती पाने लगेच तोजून नष्ट करावीत. जैविक बुरशी जसे की ॲम्पेलोमायसेस क्विस्क्वालिसचीफवारणी प्रादुर्भाव होण्यापूर्वी प्रतिबंधात्मक उपाय म्हणून किंवा प्रादुर्भाव झाल्यानंतर घ्यावी. तसच बॅसिलस सबटिलिसची फवारणी घ्यावी. याशिवाय पोटॅशिअम बायकार्बोनेटची फवारणी घेता येते. यामध्ये शिफारस केलेल्या बुरशीनाशकाचाच वापर करावा. आणि या फवारण्या करताना तज्ज्ञांचा सल्ला जरुर घ्या.