कोलिबॅसिलोसिस आणि विविध आजारांपासून संरक्षण होण्यासाठी नवजात पिल्लांना चीक पाजणे आवश्यक आहे. एक महिन्यापेक्षा कमी वयाच्या शेळ्या, मेंढ्यांना तीव्र अतिसार होण्याची शक्यता जास्त असते. तीव्र जुलाब होतात. या आजाराला विविध कारणे आहेत. यामध्ये प्रामुख्याने विण्याच्या कालावधीमधील प्रतिकूल हवामान परिस्थिती, लवकर दूध सोडणे, गोठ्यातील गर्दी, अस्वच्छ गोठा, कोलाई, क्लोस्ट्रिडियम कॅम्पिलोबॅक्टर किंवा साल्मोनेला जिवाणूंचे संक्रमण, क्रिप्टोस्पोरिडिया कोक्सीडिया, गिआर्डिया किंवा वर्म्स सारखे परजीवी किंवा विषाणू यांचा प्रादुर्भाव यांचा समावेश आहे.