Chhatrapati Sambhajinagar News: छत्रपती संभाजीनगर जिल्ह्यातील जिल्हा परिषद, पंचायत समिती निवडणुकीत भाजप-शिवसेना या सत्ताधारी पक्षांनी बाजी मारली होती. त्यामुळे सहाजिकच पंचायत समिती सभापती, उपसभापती निवडणुकीतही याच पक्षाचे वर्चस्व राहिले. सत्ता समीकरणात सर्वाधिक सहा पंचायत समिती सभापती भाजपाचे झाले तर तीन ठिकाणी शिवसेनेचा सभापती झाला आहे..भाजपचे सभापती झालेल्या सहा पंचायत समित्यांमध्ये सिल्लोड, सोयगाव, फुलंब्री, छत्रपती संभाजीनगर, खुलताबाद, गंगापूर तर शिवसेनेचा सभापती झालेल्या पंचायत समित्यांमध्ये पैठण, कन्नड व वैजापूरचा समावेश आहे. सिल्लोड, सोयगाव विधानसभा मतदार संघाचे शिवसेना आमदार अब्दुल सत्तार वगळता वैजापूरचे रमेश बोरनारे, पैठणचे विलास भुमरे, कन्नडच्या संजना जाधव या आमदारांनी आपल्या मतदारसंघात सभापती करत आपली ताकद दाखवून दिली..Panchayat Committee Results: भाजप, राष्ट्रवादी काँग्रेसचे चार, तर एका ठिकाणी अपक्ष सभापती .छत्रपती संभाजीनगर पंचायत समितीत भाजपचे कल्याण गायकवाड सभापती झाले. छत्रपती संभाजीनगर पंचायत समिती सभापती निवडणुकीत शिवसेना उद्धव बाळासाहेब ठाकरे पक्षाचे तीन सदस्य भाजपाच्या बाजूने गेल्याने चांगलाच राडा झाला. निवडीपूर्वी अंबादास दानवे यांनी पंचायत समिती परिसरातच श्री. गायकवाड यांची गचांडी धरून जाब विचारल्याने एकच खळबळ उडाली होती. पण शेवटी भाजपाच्या श्री. गायकवाड यांनी सभापती पद पटकावलेच. गंगापूर-खुलताबादचे भाजप आमदार प्रशांत बंब यांनी आपल्या तालुक्यातील पंचायत समिती राखली..Panchayat Committee Results: सिंधुदुर्गातील पंचायत समित्यांच्या निवडी बिनविरोध.फुलंब्रीमध्ये आमदार अनुराधा चव्हाण यांनी राष्ट्रवादी शरदचंद्र पवार पक्षाला सोबत घेत भाजपाचा सभापती व त्यांचा राष्ट्रवादी शरदचंद्र पवार पक्षाचा उपसभापती केला. सभापतिपदी भाजपाचे सर्जेराव मेटे तर उपसभापतिपदी राष्ट्रवादी काँग्रेस शरदचंद्र पवार पक्षाच्या अश्विनी अजिनाथ सोनवणे यांची निवड झाली. खुलताबाद पंचायत समिती सभापतीपदी भाजपाच्या सुनीता संजय खंडागळे, तर उपसभापतिपदी शिवसेना उद्धव बाळासाहेब ठाकरे पक्षाच्या मंदाताई बद्रीनाथ वाकळे निवडल्या गेल्या. गंगापूर पंचायत समितीवर महायुतीची सत्ता येऊन सभापतिपदी भाजपच्या कविता रवींद्र चव्हाण, तर उपसभापतिपदी शिवसेनेचे राजेश्वर हिवाळे यांची निवड झाली..पैठणमध्ये खासदार संदीपान भुमरे, आमदार विलास भुमरे यांच्या मार्गदर्शनात पंचायत समिती सभापतिपदी शिवसेनेच्या वैशाली विनोद बोंबले पाटील, तर उपसभापतिपदी संजय लघाने यांची बिनविरोध निवड झाली. वैजापूर पंचायत समितीमध्ये शिवसेनेचे आमदार रमेश बोरनारे यांनी सभापती व उपसभापती दोन्ही पद आपल्याकडेच राखण्यात यश मिळविले. वैजापूर पंचायत समितीवर सभापतिपदी वंदना बाळासाहेब शिंदे, तर उपसभापतिपदी सोनाली किशोर जाधव यांची निवड झाली. .कन्नड पंचायत समितीमध्ये भाजपाला सोबत घेत आमदार संजना जाधव यांनी सभापतिपद आपल्याकडे घेत भाजपचा उपसभापती केला. कन्नड पंचायत समितीच्या सभापतिपदी सुप्रिया अनिलकुमार घुगे, तर उपसभापतिपदी मायाताई ललित सुरासे यांनी विजयाचा गुलाल उधळला. सिल्लोडमध्ये सभापती आणि उपसभापती ही दोन्ही पदे भाजपने बहुमताच्या जोरावर आपल्याकडे राखली. इथे भाजपच्या अनिता सुरेश बनकर यांची सभापतिपदी, तर भगवान आहेर यांची उपसभापती निवड करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
