Maharashtra rainfall forecast: राज्यात काही भागांमध्ये पावसाची शक्यता आहे. आज कोकणातील सिंधुदुर्ग, रत्नागिरी, रायगड, पालघर आणि ठाणे जिल्ह्यांत काही ठिकाणी जोरदार पावसाची शक्यता आहे. मध्य महाराष्ट्राच्या घाटमाथ्यावर आणि नाशिक, धुळे, नंदूरबार जिल्ह्यांमध्ये जोरदार पावसाचा येलो अलर्ट जारी करण्यात आला आहे. तसेच विदर्भातील नागपूर, भंडारा आणि गोंदिया जिल्ह्यांमध्येही काही ठिकाणी पावसाचा अंदाज वर्तविण्यात आला आहे. मराठवाड्यात काही ठिकाणी हलक्या ते मध्यम सरी पडण्याची शक्यता हवामान विभागाने वर्तवली आहे.