Weather Update: सोमवारी राज्यात पावसाचा जोर कमी होण्याची शक्यता आहे. कोकणातील सर्व जिल्हे, विदर्भातील सर्व जिल्हे आणि मध्य महाराष्ट्रातील कोल्हापूर, पुणे आणि नाशिक जिल्ह्यात काही ठिकाणी जोरदार ते अतिजोरदार पावसाचा येलो अलर्ट देण्यात आला. सातारा जिल्ह्यात ऑरेंज अलर्ट देण्यात आला. मंगळवारी आणि बुधवारी विदर्भातील सर्व जिल्ह्यांमध्ये काही ठिकाणी जोरदार पावसाचा येलो अलर्ट देण्यात आला आहे. तर कोकण आणि मध्य महाराष्ट्राच्या घाटमाथ्यावरही काही ठिकाणी जोरदार सरी पडतील, असाही अंदाज हवामान विभागाने दिला. तर मराठवाडा आणि खानदेशात काही ठिकाणी हलक्या ते मध्यम पावचाही अंदाज हवामान  विभागाने दिला.