Agriculture minister Chauhan: संसदेच्या पावसाळी अधिवेशनात आज (ता.५) लोकसभेतील कामकाज दुपारी दोन वाजेपर्यंत स्थगित करण्यात आलं आहे. याचे कारण म्हणजे विरोधकांकडून करण्यात आलेला गोंधळ. प्रश्नोत्तराचा तास सुरु होताच विरोधकांनी जोरदार घोषणाबाजी सुरू केली. अध्यक्ष ओम बिर्ला यांनी शांतता राखण्याचे आवाहन केले, मात्र विरोधकांनी त्याकडे दुर्लक्ष केलं. प्रश्नोत्तराच्या तासात भाजपचे खासदार माधवनेनी राव यांनी "शेतकऱ्यांना थेट लाभ हस्तांतरण (DBT) योजनेतून किती निधी वितरित झाला?" असा प्रश्न उपस्थित केला होता. यावर उत्तर देताना केंद्रीय कृषिमंत्री शिवराज सिंह चौहान यांनी शेतकऱ्यांचे उत्पन्न दुप्पट झाल्याचे सांगितले. परंतु, त्यावेळीही विरोधकांची घोषणाबाजी सुरूच होती, त्यामुळे सभागृहात गोंधळाचे वातावरण होते.