Budget 2024: निर्मला सितारामन २३ जुलै रोजी केंद्रीय अर्थसंकल्प सादर करणार आहेत. नरेंद्र मोदींच्या तिसऱ्या टर्ममधील पहिलाच अर्थसंकल्प असल्याने शेतकऱ्यांना या अर्थसंकल्पाकडून अपेक्षा आहेत. देशातील बहुतांश शेतकऱ्यांना कर्जमाफीची अपेक्षा आहे. पंजाब, झारखंड, हरियाणा आणि महाराष्ट्रातील शेतकरी कर्जमाफी करावी अशी मागणी करत आहेत. देशात २००८ सालानंतर शेतकरी कर्जमाफी झालेली नाहीय. त्यामुळं देशातील बहुतांश राज्यातील शेतकऱ्यांनी कर्जमाफीची मागणी लावून धरलीय. अलीकडेच तेलंगणाचे मुख्यमंत्री रेवंथ रेड्डी यांनी तेलंगणातील शेतकऱ्यांची १५ ऑगस्टपर्यंत २ लाखांपर्यंतची कर्जमाफी करण्याची घोषणा केलीय. त्यामुळं शेतकरी कर्जमाफीचं लोण देशभर पसरू लागलं आहे. पंजाब, हरियाणा झारखंडसोबतच महाराष्ट्रातही कर्जमाफीची मागणीनं जोर धरला आहे. संयुक्त किसान मोर्चा अराजकीयनं कर्जमाफीसाठी सरकारवर दबाव आणण्यासाठी आक्रमक भूमिका घेतलीय. तर राज्यात मागच्या आठवड्यात संपलेल्या पावसाळी अधिवेशनात विधानसभेत विरोधीपक्षनेत्यांनी राज्यातील शेतकरी कर्जमाफीची मागणी केलीय