cotton price: अमेरिकेतील कापूस उत्पादनासाठी सर्वात महत्त्वाचे राज्य म्हणजे टेक्सास. अमेरिकेच्या एकूण कापूस उत्पादनापैकी ३० ते ४० टक्के हिस्सा केवळ टेक्सासमध्ये तयार होतो. त्यामुळे या राज्यातील हवामान आणि उत्पादनावर संपूर्ण जागतिक बाजाराचे लक्ष केंद्रित असते. टेक्सासमध्ये ४ जुलैनंतर समाधानकारक पाऊस झालेला नाही. पिकाला पाण्याची तीव्र गरज असतानाही पुढील १० दिवस हवामान कोरडे राहणार असल्याचा अंदाज हवामान तज्ज्ञांनी वर्तवला आहे. त्यामुळे पिकावर ताण येण्याची शक्यता असून, याचा परिणाम उत्पादनावर होऊ शकतो.