ginger price: मागील आठवडाभरात आल्याच्या दरात काहीशी सुधारणा दिसून आली. आल्याचे भाव आता सरासरी ३ हजार ५०० रुपये ते ४ हजार रुपयांच्या दरम्यान होते. बाजारातील आवळ्याची आवक पावसामुळे कमी झाली आहे. बाजारात आवळ्याला उठाव मात्र चांगला आहे. सध्या बाजारात आवळ्याला सरासरी ४ हजार ते ५ हजारांचा भाव मिळत आहे. केळीला बाजारात सध्या चांगला दर मिळत आहे. बाजारातील केळीला चांगला उठाव आहे. किरकोळ बाजारात केळी ३० रुपये ते ७० रुपये प्रतिडझन मिळत आहे. तर घाऊक बाजारात सध्या केळीला १८०० ते २२०० रुपयांच्या दरम्यान भाव मिळत आहेत. बाजारात कोबीची आवक कायम आहे. कोबीला सध्या सरासरी प्रतिक्विंटल १८०० ते २ हजार रुपयांचा भाव मिळत आहे. कापसाची बाजारातील आवक कमीच आहे. सध्या बाजारात १५ हजार गाठींच्या दरम्यान कापसाची आवक सुरु आहे. आंतरराष्ट्रीय बाजारात कापसाचे भाव ६८ सेंट प्रतिपाऊंडच्या दरम्यान आहेत. देशात सध्या कापूस ७ हजार ४०० ते ७ हजार ६०० रुपयांच्या दरम्यान विकला जात आहे.