देशातील कापूस उत्पादन यंदा घटले. उत्पादन २९१ लाख गाठींवर स्थिरावण्याचा अंदाज आहे. त्यापैकी सीसीआयने तब्बल ११० लाख गाठींची खरेदी केली. म्हणजेच देशातील एकूण उत्पादनापैकी तब्बल ३५ टक्क्यांच्या दरम्यान एकट्या सीसीआयने खेरदी केली. म्हणजेच देशातील सर्वात मोठा कापसाचा स्टाॅकीस्ट सीसीआय आहे. त्यामुळे सीसीआय कापसाची विक्री कशी करते, विक्रीचे भाव कसे ठवते याकडे बाजाराचे लक्ष होते. तसेच याचा बाजारावर परिणाम देखील होणार होता. देशात उत्पादन घटले. पण उद्योगांचा कापूस वापर चांगला आहे. त्यामुळे कापसाला मागणी आहे. दुसरीकडे आंतरराष्ट्रीय बाजारात कापसाचे भाव कमी आहेत. देशात भाव हमीभावापेक्षा कमी होते तेव्हाही आंतरराष्ट्रीय बाजारातील भाव कमीच होते. त्यामुळे उद्योगांनी गरजेप्रमाणे कापसाची खरेदी केली. स्टाॅक करण्यास उद्योगांनी रस दाखवला नाही. त्यामुळे देशातील बाजारात कापसाचे भाव हमीभावापेक्षा कमी असतानाही सीसीआयला जास्त कापूस मिळत गेला. उद्योगांची खरेदी अपेक्षेप्रमाणे वाढली नाही.