Papaya Rate : महाराष्ट्रात पपईची व्यापारी लागवड जून - जुलै, सप्टेंबर - ऑक्टोबर आणि फेब्रुवारी - मार्च या तीन हंगामात करतात. याचं कारण म्हणजे या काळात हवामान सौम्य असतं. पपईची मार्चनंतर  उन्हाळ्यात लागवड केल्यास कडक उन्हामुळे रोपे मरतात. त्यामुळे फळे मागणीच्या काळात कमी प्रमाणात काढणीला येतात. फळे अकाली पिकतात आणि बेचव लागतात. या कारणांमुळ व्यापारी माल घेण्यास टाळाटाळ करतात. उन्हाळ्यात आंब्याचीही आवक सुरु होते, यामुळेही पपईची मागणी कमी होते. त्यामुळे पपईची योग्य वेळी लागवड करण अत्यंत गरजेच आहे.