Maharashtra farm road development: राज्यातील शेतरस्ते पूर्ण करण्यासाठी येत्या पाच वर्षांत विशेष प्रयत्न करण्यात येणार असून, महसूलमंत्री बावनकुळे यांच्या अध्यक्षतेखाली गठीत समितीच्या अहवालानुसार राज्यात १०० टक्के शेतरस्ते पूर्ण करण्यात येतील, अशी ग्वाही मुख्यमंत्री देवेंद्र फडणवीस यांनी दिली. आगामी स्थानिक स्वराज्य संस्थांच्या निवडणुकांच्या पार्श्वभूमीवर भाजपने वर्ध्यातील सेवाग्राम येथील चरखागृहात आयोजित केलेल्या मंथन बैठकीत ते बोलत होते. या बैठकीला भाजपचे मंत्री, खासदार, आमदार आणि वरिष्ठ पदाधिकारी उपस्थित होते.