cotton export: यंदा खुल्या बाजारात कापसाचे दर हमीभावापेक्षा कमी असल्यामुळे शेतकऱ्यांनी मोठ्या प्रमाणात सीसीआयला कापूस विकला. कॉटन असोसिएशन ऑफ इंडियाच्या अंदाजानुसार यंदा देशात एकूण ३०१ लाख गाठी कापूस उत्पादन झाले असून, त्यातील सुमारे ३३ टक्के म्हणजेच १०० लाख गाठी कापूस सीसीआयने १२ राज्यांमधून खरेदी केला. राज्यानुसार पाहिल्यास सर्वाधिक म्हणजे ४० लाख गाठी कापूस तेलंगणातून खरेदी करण्यात आला. या राज्यात बाजारभाव तुलनात्मकदृष्ट्या कमी होता. त्यानंतर महाराष्ट्रातून २९ लाख गाठी आणि गुजरातमधून १४ लाख गाठींची खरेदी करण्यात आली.