Goat Sheep: शेळी, मेंढीमध्ये कोक्सिडिओसिसचे कारणीभूत घटक कोणते?

livestock health: कोक्सिडिओसिस हा मेंढ्या व शेळ्यांमध्ये आढळणारा एक महत्त्वाचा परजीविजन्य आजार आहे. हा आजार आयमेरिया नावाच्या परजीवीमुळे होतो. हा परजीवी जनावरांच्या आतड्यांमध्ये वाढतो, ज्यामुळे त्यांच्या पचन प्रक्रियेत अडथळा निर्माण होतो. या परजीवीची अंडी, म्हणजेच ओसिस्ट्स, जनावरांच्या विष्ठेमार्फत बाहेर पडतात आणि त्यामुळे चारा व पाणी दूषित होते. हे दूषित अन्न किंवा पाणी सेवन केल्यास इतर जनावरांनाही आजार होण्याची शक्यता वाढते. विशेषतः ४ ते ६ आठवड्यांचे लहान करडे व कोकरे यांना हा आजार अधिक तीव्रपणे बाधित करतो. योग्यवेळी उपचार न केल्यास जनावरांचा जीव जाण्याची शक्यता असते.