PM Kisan Yojana: भाजपचे आमदार बबनराव लोणीकर यांनी शेतकऱ्यांबद्दल वादग्रस्त विधान करून नव्या वादाला तोंड फोडले आहे. शेतकऱ्यांच्या मुलांना उद्देशून त्यांनी म्हटलं की, "तुझ्या बापाला मोदींनी पेरणीसाठी ६ हजार रुपये दिले, आणि तू मात्र सोशल मीडियावर त्यांच्यावर लिहितोस?" अशा शब्दांत त्यांनी तरुणांवर टीका केली. याआधीही दोन दिवसांपूर्वी बोरगावमध्ये लोणीकरांनी “जर मतदान केलं नाही तर गावांवर फुली मारेन” अशी धमकी दिली होती. त्यानंतर आता पुन्हा एकदा त्यांनी केलेल्या विधानामुळे वाद उफाळून आला आहे.