Maharashtra Government: मुंबईतील कुर्ल्यात दुग्धविकास विभागाची दुग्धशाळा आहे. किती एकरवर तर साडेआठ एकरवर. जागेची किंमत किती तर २० हजार कोटी. आता हीच जागा २५ टक्के सवलतीच्या दरात अदानी समूहाला देण्यात आलीय. यावरून पावसाळी अधिवेशनात विरोधी पक्षाने सरकारवर घणाघाती आरोपही केले होते. राज्य सरकारकडून दुग्धशाळेचं हस्तांतरण करण्यासाठी कारण काय देण्यात आलं तर राज्य सरकारने दुग्ध व्यवसाय विभागातून हळूहळू बाहेर पडण्याचे ठरवलंय. त्यामुळं भविष्यात दूध संकलन आणि वितरणाची सरकारची भूमिका नाही. आणि तसंही कुर्ल्यातील दुग्धशाळा बंद असल्यानं या जागेची दुग्ध विकास व्यवसायाला गरज नाही. त्यामुळं ही जागा शासकीय जमिनीची प्रचलित बाजार मूल्य दर तक्त्यानुसार येणाऱ्या किमतीच्या २५ टक्के सवलतीच्या दरानं देण्याचा शासन आदेश काढण्यात आलाय., असा आरोपही विरोधी पक्षानं केला होता.