mobile app for animal farming: कृत्रिम बुद्धिमत्ता (AI) च्या मदतीने शेती आणि संबंधित व्यवसायात कार्यक्षमतेसह धोका कमी करण्याचे प्रयत्न सुरू आहेत. त्याचबरोबर, मोबाईलच्या माध्यमातून या तंत्रज्ञानाची आणि मार्गदर्शनाची माहिती एका टचवर उपलब्ध होत आहे. या ॲप्समध्ये पशुआहाराची योग्य निवड, आहार तयार करण्याची शास्त्रोक्त पद्धती, व्यवस्थापन, पशूंचे आरोग्य, रोग नियंत्रण, विपणन, आणि प्रकल्प आराखडा तयार करण्याविषयी सविस्तर माहिती दिली आहे. दुग्ध व्यवसाय ॲप मध्ये देशी आणि विदेशी गोवंश, दुधाळ म्हशींच्या जाती, गोठा व आहार व्यवस्थापन, तसेच प्रजनन व्यवस्थापन यांची माहिती समाविष्ट आहे. शेळीपालन ॲप मध्ये विविध शेळी जाती, त्यांचे व्यवस्थापन, आरोग्यदायी शेड कसे असावे, हाताळणीचे कौशल्य, विपणन आणि प्रकल्प आराखडा यासंबंधी माहिती उपलब्ध करून देण्यात आली आहे.