कॅनडामधील लोकल ग्रोस सलाड या स्वयंसेवी संस्थेने शहरी लोकांची बाग कामाची आवडीला चालना देण्यासाठी व्हर्टिकल फार्मिंग तंत्राची मदत घेतली आहे.

ओंतारिओ भागातील सायन्स सिटीमध्ये प्रायोगिक तत्त्वावर व्हर्टिकल फार्मिंगची सुरवात केली. त्यातून लोकांना ताज्या भाज्यांची उपलब्धता होणार आहे. या नव्या प्रकल्पाबद्दल लोकल ग्रो सलाड या संस्थेचे अध्यक्ष झेल टबाकमन म्हणाले की, शहरी भागात मोठ्या इमारतींमध्ये बागकाम करता येत नाही. जागेची कमतरता असलेल्या लोकांना बागकामाची आवड असूनही संधी मिळत नाही. अशा लोकांना व्हर्टिकल फार्मिंगच्या माध्यमातून भाजीपाला लागवडीची संधी देण्याचा संस्थेचा प्रयत्न आहे. यातून लोकांना बागकामांच्या आनंदासोबतच ताजा भाजीपाला उपलब्ध होऊ शकेल. अतिरीक्त भाजीपाल्याची पॅकींग करून विक्रीही केल्याने आर्थिक फायदाही होईल अशी आशा आहे.