सिंधुदुर्गनगरी ः कृषी विभागाच्या (Agriculture Department) विविध योजनांसाठी (Agriculture Scheme) जिल्हा परिषद कृषी विभागाने २०२२-२३ या वर्षाकरिता ८३ लाखांची तरतूद केली आहे. या निधीतून बारा योजना राबविण्यात येणार आहेत. साधारणपणे १ हजार ३६७ लाभार्थ्यांना योजनांचा लाभ (Benefit Of Agriculture Scheme) दिला जाणार आहे.

जिल्हा परिषद कृषी विभागामार्फत शेतकऱ्यांसाठी विविध प्रकारच्या योजना राबविल्या जातात. येत्या आर्थिक वर्षात योजना राबविण्यासाठी कृषी विभागाने ८३ लाख रुपयांची तरतूद केली आहे.

या निधीतून शेतकऱ्यांना कीटकनाशके, पॉवर स्प्रे, ग्रास कटर, ताडपत्री, प्लॅस्टिक क्रेट, नारळ शिडी, डिझेल इंजिन, विद्युत पंप, पीव्हीसी पाइप यासह अन्य काही योजनांसाठी ७५ टक्के अनुदान देण्यात येणार आहे.

कोरोनाबाधीत मृत व्यक्तीच्या वारसदारांना या योजनांमध्ये प्राधान्य देण्याचे जिल्हा परिषदेचे धोरण आहे. इच्छुक लाभार्थ्यांनी २८ सप्टेंबरपूर्वी कृषी विभागाकडे प्रस्ताव देण्यात यावेत. प्राप्त प्रस्तावांना २ ऑक्टोबरला मुख्य कार्यकारी अधिकारी मंजुरी देणार असल्याची माहिती जिल्हा परिषद कृषी अधिकारी सुधीर चव्हाण यांनी दिली.

योजना निधीची तरतूद

कीटकनाशके २ लाख

पोर्टेबल पॉवर स्प्रे १० लाख

नॅपसॅक स्पेअर २ लाख

ग्रास कटर ४२ लाख

प्लॅस्टिक ताडपत्री ५ लाख

प्लॅस्टिक क्रेट ३ लाख

नारळ शिडी २ लाख

डिझेल इंजिन ४ लाख

विद्युत पंप ८ लाख

पीव्हीसी पाइप ३ लाख

वणवा २ लाख