Crop Damage Agrowon
कृषी योजना व शासन निर्णय

Crop Insurance : नुकसानीच्या ५२ हजार पूर्वसूचना नाकारल्या

अतिवृष्टीने जिल्ह्यात शेतपिकांचे अतोनात नुकसान झाले. पंतप्रधान पीकविमा योजनेत जिल्ह्यातील तीन लाख ८० हजार शेतकऱ्‍यांनी पूर्वसूचना दाखल केल्या होत्या.

टीम ॲग्रोवन

यवतमाळ : अतिवृष्टीने जिल्ह्यात शेतपिकांचे अतोनात नुकसान (Heavy Rain Crop Damage) झाले. पंतप्रधान पीकविमा योजनेत (Crop Insurance scheme) जिल्ह्यातील तीन लाख ८० हजार शेतकऱ्‍यांनी पूर्वसूचना (Crop Damage Intimations) दाखल केल्या होत्या. त्यातील ५२ हजार पूर्वसूचना पीकविमा कंपनीने (Crop Insurance Company) नाकारल्या. अतिवृष्टी झाली त्यादिवशीची तारीख व अर्जावरील तारखेत तफावत असल्याचे कारण देण्यात आले. त्यामुळे या शेतकऱ्यांना मदत कधी मिळणार, हा प्रश्‍न कायम आहे.

यंदा जुलै व ऑगस्ट या महिन्यांत पावसाने पिकांचे नुकसान झाले आहे. अतिवृष्टीत व नदी-नाल्यांना पूर आल्याने नदीकाठालगतच्या शेतात पाणी शिरले. त्याचा फटका शेतपिकांना बसला. अतिपाण्यामुळे पिके पिवळी पडली आहेत. त्यामुळे पिकांची वाढ खुंटली आहे.

यंदा जुलै, ऑगस्ट, सप्टेंबर व ऑक्टोबर अशा सलग चार महिन्यांत पावसामुळे शेतपिकांचे मोठ्या प्रमाणात नुकसान झाले आहे. नुकसानीचे क्षेत्र ५० टक्क्यांवर गेले आहे. उत्पादनातही मोठ्या प्रमाणात घट झालेली दिसून येत आहे.

अतिवृष्टीमुळे शेतपिकांचे नुकसान झाल्यानंतर शेतकऱ्‍यांनी पीकविमा कंपनीकडे नुकसानाची माहिती पाठविली. जिल्ह्यातील चार लाख शेतकऱ्यांनी यंदा पीकविमा उतरविला आहे.

मात्र पूर्वसूचना दाखल करूनही ५२ हजार शेतकऱ्यांच्या पूर्वसूचना पीकविमा कंपनीने नाकारल्या. कृषी विभागाने यासंदर्भात पीकविमा कंपनीला माहिती दिली. त्यानंतर आता परत प्रक्रिया राबवावी लागेल. त्यानुसार ऑफलाइन प्रस्ताव पुन्हा दाखल केले आहेत.

पीकविमा कंपन्यांनी प्रस्ताव नाकारले असले तरी त्यांच्याकडे दुबार अर्ज केले आहेत. अर्ज वारंवार करता येतात. त्याआधारे सर्वांनाच वीमा भरपाई मिळेल, अशी अपेक्षा आहे.
नवनाथ कोळपकर, जिल्हा अधिक्षक कृषी अधिकारी, यवतमाळ.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT