पुणे ः कृषी आयुक्तलायतील सेवानिवृत्त कृषी उपसंचालक तथा कृषिमाल निर्यात तज्ज्ञ गोविंद गंगाराम हांडे (वय ६२ वर्षे) यांचे रविवारी (ता.२८) दुपारी १२ वाजता पुणे येथील रहात्या घरी हृदयविकाराने निधन झाले.

त्यांच्या पश्चात पत्नी,एक मुलगा, एक मुलगी असा परिवार आहे. त्यांच्या पार्थिवावर मंगळवारी (ता.३०) सकाळी अंत्यसंस्कार करण्यात येणार आहेत.हांडे हे मूळ अजणी (ता.बिलोली,जि.नांदेड) येथील रहीवाशी होते.

त्यांना कृषी रत्न पुरस्काराने सन्मानित करण्यात आले होते. द्राक्ष, डाळींब, भाजीपाला निर्यात, उर्वरित अंश धोरणात त्यांचा मोठा सहभाग होता. कृषी निर्यात तज्ज्ञ म्हणून त्यांनी कृषी विभागातील प्रदीर्घ कारकीर्दीत आपला वेगळा ठसा उमटवला होता.