Gondia News: ‘‘हिरवट पिवळट झाडीमध्ये दिसतो उठून पळस... अरण्यातील संन्याशागत स्थिरपणे उभा स्तब्ध...’’ वसंत ऋतूच्या आगमनानंतर गावाबाहेरील रानात केशरी-पिवळ्या बहराने उठून दिसणाऱ्या पळसाच्या फुलांकडे पाहताच या ओळी सहजच ओठांवर येतात. मात्र याच पळसाच्या पिवळ्या प्रजातीचे अस्तित्व दुर्मीळ होत चालले असून, त्याच्या संवर्धनाची गरज व्यक्त होत आहे..राज्यात पळसाच्या तीन प्रमुख प्रजाती आढळतात. केशरी फुलांचा सर्वसाधारण पळस, पिवळ्या फुलांचा दुर्मीळ पळस व वेलीसारखा वाढणारा वेल्या पळस. यापैकी पिवळा पळस अत्यंत कमी आढळतो. या पळसाचे वैशिष्ट्य म्हणजे याला दरवर्षी फुले येत नाहीत. एक वर्ष आड हा वृक्ष फुलांनी बहरतो. त्यामुळे त्याचे फुललेले रूप पाहणे ही निसर्गप्रेमींसाठी दुर्मीळ पर्वणी ठरते..Plastic Flower Ban: प्लॅस्टिक फुलांवरील बंदी अधिक कठोर.पळसाच्या फुलांत मुबलक प्रमाणात मध असतो. त्यामुळे मधमाश्या, सूर्यपक्षी, कोतवाल, तसेच विविध कीटक व पक्षी या फुलांकडे आकर्षित होतात. फुलांनी नटलेला वृक्ष मधमाश्यांच्या गुंजारवाने आणि पक्ष्यांच्या किलबिलाटाने निनादत असतो. म्हणूनच पळसाला ‘गुणगुणणारे’ किंवा ‘बोलणारे’ झाड असेही म्हटले जाते..Surangi Flower Price: सिंधुदुर्गात सुरंगीला प्रति किलोला ६०० ते ७०० रुपये.जैवविविधतेच्या दृष्टीने हा वृक्ष महत्त्वाचा असून परागीभवन प्रक्रियेत त्याचा मोठा वाटा आहे. पर्यावरणीय संतुलन राखण्यात ही योगदान लक्षणीय आहे. मातीची धूप रोखणे, सूक्ष्मजीवांसाठी अधिवास निर्माण करणे, वन्यजीवांना अन्नपुरवठा करणे अशी विविध पर्यावरणपूरक कार्ये हा वृक्ष करतो..पिवळा पळस हा दुर्मीळ आणि बहुगुणी औषधी वृक्ष आहे. त्याच्या फुलांपासून ते सालीपर्यंत अनेक उपयोग आहेत. जैवविविधतेच्या दृष्टीनेही तो महत्त्वाचा आहे. त्यामुळे या वृक्षाचे जतन आणि संवर्धन करण्यासाठी स्थानिक पातळीवर विशेष मोहीम राबविणे गरजेचे आहे.भीमराव लाडे, वृक्षप्रेमी, नवेगावबांध.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
