Pune News: पिवळ्या वाटाण्याच्या आयातीत २०२५ मध्ये ५६ टक्क्यांनी घट झाली; तर हरभऱ्यावर मात्र १० टक्के आयात शुल्क असल्याने त्याची आयात तिपटीने वाढली आहे. तसेच उडदाच्या आयातीतही लक्षणीय वाढ झाली आहे. परिणामी, एकूण कडधान्य आयातीत केवळ साडेचार टक्क्यांची घट नोंदविली आहे. गेल्या वर्षभरात देशात सुमारे ६६ लाख टन कडधान्य आयात झाल्याचे सरकारच्या आकडेवारीवरून स्पष्ट झाले आहे..जागतिक पातळीवर भारत कडधान्याचा सर्वात मोठा आयातदार आहे. भारताची कडधान्य आयात मागील पाच वर्षांमध्ये सातत्याने वाढताना दिसत आहे. भारताने २०२४ मध्ये ६८ लाख ७५ हजार टन कडधान्य आयात केली होती. तर २०२५ मध्ये आयात ६५ लाख ६९ हजार टनांवर स्थिरावली आहे. म्हणजेच आयातीत साडेचार टक्क्यांची घट झाली आहे, असे सरकारच्या आयात-निर्यात आकडेवारीवरून स्पष्ट होते..Chana Procurement: परभणी, हिंगोलीत हरभरा विक्रीसाठी १९ केंद्रे.पिवळा वाटाण्यावर ३० टक्के शुल्क लागू केले आहे. त्यामुळे त्याची आयात ५६ टक्क्यांनी कमी झाली आहे. मात्र हरभरा आणि उडीद आयात वाढली आहे. यामुळे एकूण आयातीत मोठी घट दिसत नाही. हरभरा आयातीवर केवळ १० टक्के शुल्क लागू आहे. आंतरराष्ट्रीय बाजारात हरभऱ्याचे भाव कमी असल्याने या शुल्कासह आयात वाढली आहे. .गेले वर्षभर आयात तीनपटीने वाढली आहे. सध्या देशातील भाव कमी असतानाही आयात सुरूच आहे. इतर प्रकारच्या कडधान्याची आयात मात्र ४८ टक्क्यांनी कमी झाली आहे. इतर कडधान्य आयात अडीच लाख टनांवर स्थिरावली. २०२४ मध्ये या कडधान्याची आयात ४ लाख ६४ हजार टन झाली होती..Chana Imports: धोरण विसंगतीने हरभऱ्याची माती.हरभरा आयातीचा लोंढाहरभरा आयात २०२५ मध्ये तीनपटीने वाढली आहे. हरभरा आयातीवर कमी शुल्क असल्याने आयातीचा लोंढाच आला आहे. देशात गेले वर्षभरात १५ लाख ८१ हजार टन हरभरा आयात झाली आहे. आधीच्या वर्षातील आयात जवळपास ४ लाख टन होती. ऑस्ट्रेलियातून तब्बल १४ लाख २३ हजार टन हरभरा आयात झाली. तर टांझानियातून १ लाख ४८ हजार टन आणि म्यानमारमधून ४ हजार टनांची आयात झाली. हरभरा आयात वाढल्याचा दबाव देशातील भावावर सध्या दिसत आहे..तूर आयातही वाढलीतुरीची आयात २०२५ मध्ये साडेपाच टक्क्यांनी वाढली आहे. आयात १३ लाख २५ हजार टनांवर पोचली आहे. तर २०२४ मधील आयात १२ लाख ५७ हजार टन होती. मोझांबिकमधून सर्वाधिक ५ लाख २० हजार टन तूर आयात झाली. तर म्यानमारमधून ३ लाख ४६ हजार टन, टांझानियातून ३ लाख टन, मालावीतून ६८ हजार टन आणि सुदानमधून ३८ हजार टन तूर आयात झाली आहे. मसूरची आयातही एक हजार टनाने वाढून १० लाख ६१ हजार टनांवर पोचली आहे..उडदाच्या आयातीत ४१ टक्क्यांची वाढउडदाच्या आयातीत २०२५ मध्ये तब्बल ४१ टक्क्यांची वाढ झाली आहे. देशातील उत्पादन घटल्याने आयातीला प्रोत्साहन मिळाले होते. देशाला म्यानमारकडून उडदाचा सर्वाधिक पुरवठा होतो. म्यानमारमधून ८ लाख टन उडदाची आयात झाली आहे. तर ब्राझीलमधून जवळपास अडीच लाख टनांची आयात झाली..पिवळा वाटाणा आयात घटलीपिवळा वाटाणा आयात २०२५ मध्ये जवळपास १३ लाख टनांवर स्थिरावली आहे. तर आधीच्या वर्षी २९ लाख ३९ हजार टनांची आयात झाली होती. कॅनडा पिवळा वाटाण्याची निर्यात करणारा सर्वात मोठा देश ठरला आहे. कॅनडातून ८ लाख ८२ हजार टन आयात झाली, तर रशियातून ३ लाख २१ हजार टन, लॅटवियातून ३३ हजार आणि अर्जेंटिनातून २६ हजार टन पिवळा वाटाणा आयात झाला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
