गराडे, जि. पुणे : ‘‘पानवडी (ता. पुरंदर) गावाप्रमाणेच ८५० पेक्षा जास्त गावांमध्ये(Village) ‘सकाळ(Sakal) रिलीफ फंडा’च्या माध्यमातून जलसंधारणाची कामे केली आहेत. आणखी सुमारे १५० गावांमध्ये(Village) अशा पद्धतीची कामे सुरू आहेत. या गावांना लोकसहभागातून प्रगतीकडे घेऊन जायचे आहे. त्यासाठी गावाचा सहभाग यात असणे गरजेचे असते,’’ अशी माहिती ‘सकाळ’चे अध्यक्ष प्रतापराव पवार यांनी दिली.

पानवडी येथे ‘सकाळ माध्यम समूह’, सायन्स टेक्नॉलॉजी पार्क, टास्क कोफो, मुकुल माधव फाउंडेशन यांच्या वतीने महिला सक्षमीकरण मोहिमेअंतर्गत पानवडी बोटिंग क्लबचे उद्‍घाटन प्रतापराव पवार यांच्या हस्ते मंगऴवारी (ता.२९) करण्यात आले. त्या वेळी ते बोलत होते. ते म्हणाले, ‘‘पानवडी येथील काही महिला दहा वर्षांपूर्वी मला भेटायला आल्या होत्या. त्या वेळी त्यांनी गावच्या(Villlage) समस्या मांडल्या. त्यानंतर काही सहकाऱ्यांना बरोबर घेऊन या गावचा विकास करण्याचे ठरवले. गाव पाण्याचा(Water) योग्य वापर करत आहे. त्यामुळे गावाची प्रगती होताना दिसत आहे.’’