Disaster Relief : देशाच्या उत्तरेकडील भागात पावसाने कहर केल्यामुळे अर्थ मंत्रालयाने बुधवारी राज्य आपत्ती प्रतिसाद निधी (SDRF) अंतर्गत २२ राज्य सरकारांना ७,५३२ कोटी रुपये वितरित केला. यामध्ये महाराष्ट्र, हरियाणा, हिमाचल प्रदेश आणि उत्तराखंड या राज्यांना ही मदत देण्यात आली आहे. गृह मंत्रालयाच्या शिफारशींनुसार ही रक्कम जारी करण्यात आले आहेत.

आपत्ती व्यवस्थापन कायदा, 2005 च्या कलम 48(1)(a) अंतर्गत प्रत्येक राज्यात राज्य आपत्ती प्रतिसाद निधी (SDRF) ची स्थापना करण्यात आली आहे. हा निधी अधिसूचित आपत्तींना प्रतिसाद देण्यासाठी राज्य सरकारांना उपलब्ध असलेला प्राथमिक निधी आहे. केंद्र सरकार सामान्य राज्यांमध्ये SDRF मध्ये 75 टक्के आणि ईशान्य आणि हिमालयीन राज्यांमध्ये 90 टक्के योगदान देते. वित्त आयोगाने शिफारस केल्यानुसार वार्षिक केंद्रीय योगदान दोन समान हप्त्यांमध्ये जारी केले जाते.

मार्गदर्शक तत्त्वांनुसार, निधी मागील हप्त्यात जारी केलेल्या रकमेचा वापर प्रमाणपत्र मिळाल्यावर आणि SDRF द्वारे केलेल्या उपक्रमांबद्दल राज्य सरकारकडून अहवाल मिळाल्यावर जारी केला जातो. मात्र, सध्याची परिस्थिती पहाता या वेळी निधी देताना या अटी माफ करण्यात आल्या.

SDRF चा वापर केवळ चक्रीवादळ, दुष्काळ, भूकंप, आग, पूर, त्सुनामी, गारपीट, भूस्खलन, हिमस्खलन, ढगफुटी, कीटकांचे हल्ले आणि थंडी आणि थंडीची लाट यांसारख्या अधिसूचित आपत्तीतील पीडितांना तात्काळ मदत पुरवण्यासाठी होणारा खर्च भागवण्यासाठी केला जाणार आहे. राज्यांना SDRF निधीचे वाटप मागील खर्च, क्षेत्रफळ, लोकसंख्या आणि आपत्ती जोखीम निर्देशांक यासारख्या अनेक घटकांवर आधारित आहे. हे घटक राज्यांची संस्थात्मक क्षमता, जोखीम, धोका आणि असुरक्षा दर्शवतात.