पुणे : नैर्ऋत्य मोसमी वाऱ्यांचा (मॉन्सून) परतीचा प्रवास सुरू झाला आहे. यातच राज्यात विजा, मेघगर्जनांसह वळीव पावसाने हजेरी लावली आहे. आज (ता. ७) राज्यात तुरळक ठिकाणी विजा, मेघगर्जनांसह पावसाचा इशारा देण्यात आला आहे. कोकण, मध्य महाराष्ट्रात तुरळक ठिकाणी जोरदार पावसाचा अंदाज हवामान विभागाने वर्तविला आहे.  पश्‍चिम बंगाल आणि परिसरावर चक्राकार वारे वाहत आहेत. तर तमिळनाडूच्या किनाऱ्यालगत चक्राकार वाऱ्यांची स्थिती असून, त्यापासून केरळ, कर्नाटक, उत्तर कोकणापर्यंत हवेचा कमी दाबाचा पट्टा विस्तारला आहे. तमिळनाडूपासून अरबी समुद्रापर्यंत पूर्व-पश्‍चिम कमी दाबाचा पट्टा सक्रिय आहे. यामुळे महाराष्ट्रसह दक्षिण भारतात पावसाला पोषक हवामान आहे. जोरदार पावसाचा इशारा (येलो अलर्ट)

विजा, मेघगर्जनेसह पावसाचा इशारा (येलो अलर्ट)

बुधवारी (ता.६) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस मिलिमीटरमध्ये (स्रोत : हवामान विभाग) 

पुन्हा कमी दाबाचे क्षेत्र बंगालच्या उपसागरात अंदमान समुद्राजवळ रविवार (ता. १०) पर्यंत हवेचा कमी दाबाचे क्षेत्र तयार होण्याची शक्यता आहे. या कमी दाब क्षेत्राची तीव्रता वाढून ही प्रणाली शुक्रवारपर्यंत (ता. १५) ओडिशा आणि आंध्र प्रदेशच्या किनाऱ्याकडे येण्याचे संकेत हवामान विभागाने दिले आहेत.