सवना, यवतमाळ : शेती फायद्याची करण्यासाठी उत्पादकता खर्च कमी करण्याची गरज आहे. त्यादृष्टीने माती परीक्षण हा पहिला आणि महत्त्वाचा टप्पा ठरतो, असे प्रतिपादन `केव्हीके`चे वरिष्ठ शास्त्रज्ञ डॉ. सुरेश नेमाडे यांनी केले. 

`सकाळ ॲग्रोवन`, `महाधन` यांच्यातर्फे येथील ग्रामपंचायत कार्यालयात `ॲग्रोवन संवाद` चर्चासत्र घेण्यात आले. सरपंच ॲड. खुशाल महागावकर, `महाबीज`चे जिल्हा व्यवस्थापक पी. एम. देशमुख, `महाधन`चे प्रदीप कायंदे, प्रदीप महल्ले, संदीप वऱ्हाडे, आशिष माळी उपस्थित होते.

जिल्ह्यात रेशीम शेतीखालील क्षेत्र वाढत आहे. परिणामी अनेक गावांमध्ये समृद्धी आली आहे. अशा प्रकारच्या फायदेशीर शेतीच्या पॅटर्नचे अनुकरण व्हावे, अशी अपेक्षा देशमुख यांनी व्यक्‍त केली. केळीसह इतर व्यवसायिक पीकपद्धतीविषयीदेखील या वेळी त्यांनी माहिती दिली. शेतकऱ्यांच्या शंकांचे निरसन केले.

माळी यांनी सूत्रसंचालन केले. `ॲग्रोवन`चे प्रतिनिधी नितीन चव्हाण यांनी आभार मानले.