पुणे जिल्ह्यात रब्बीत दोन लाख ८८ हजार हेक्टरवर पेरणीचा अंदाज
पुणे जिल्ह्यात रब्बीत दोन लाख ८८ हजार हेक्टरवर पेरणीचा अंदाज 
मुख्य बातम्या

पुणे जिल्ह्यात रब्बीत दोन लाख ८८ हजार हेक्टरवर पेरणीचा अंदाज

टीम अॅग्रोवन

पुणे ः गेल्या चार महिन्यांत कमी पावसामुळे पाण्याची अत्यंत गंभीर स्थिती तयार झाली आहे. त्याचा फटका रब्बी पेरण्यांना बसण्याची शक्यता आहे. मात्र, पुणे जिल्ह्यात पाण्याची सुविधा असलेल्या शेतकऱ्यांसाठी रब्बी हंगामात कृषी विभागाने दोन लाख ८८ हजार ७७० हेक्टरवर पेरणीचे नियोजन केले आहे. शेतकऱ्यांना लवकरच निविष्ठांचा पुरवठा करण्यात येणार असल्याची माहिती कृषी विभागाच्या सूत्रांनी दिली.

पुणे जिल्ह्यात रब्बीचे सरासरी तीन लाख ९१ हजार ८९७ हेक्टर क्षेत्र आहे. यामध्ये सर्वाधिक क्षेत्र रब्बी ज्वारीचे आहे. सुमारे दोन लाख ४६ हजार ९२४ हेक्टर क्षेत्र आहे. त्यापाठोपाठ गव्हाचे ६३ हजार ८५४ हेक्टर क्षेत्र आहे. हरभऱ्याचे ५८ हजार ४२६ हेक्टर क्षेत्र आहे. मात्र, जून ते सप्टेंबर या चार महिन्यांच्या कालावधीत पुणे जिल्ह्यात ८१९.७ मिलिमीटर म्हणजेच ९६ टक्के पाऊस पडला आहे.

जून महिन्यात जिल्ह्यातील अनेक भागांत पाऊस झाल्यामुळे खरीप हंगामात बऱ्यापैकी पेरण्या झाल्याची नोंद कृषी विभागाकडे झाली. मात्र, जुलै, आॅगस्ट आणि सप्टेंबर या तीन महिन्यांत पावसाच्या कालावधीत चांगलाच खंड पडला असून, कमी कालावधीत अधिक पाऊस पडल्याचे चित्र होते. त्याचा परिणाम खरीप हंगामातील पिकांवर झाला आहे.  

रब्बी हंगामातील पिकांचे सरासरी चार लाख एक हजार ३५१ हेक्टर क्षेत्रापैकी गेल्या वर्षी चार लाख ८५ हजार ५२३ हेक्टरवर पेरणी झाली होती. यामध्ये रब्बी ज्वारीची सुमारे एक लाख ५७ हजार ८१४ हेक्टरवर पेरणी झाली होती. गव्हाची ४७ हजार ९७२ हजार हेक्टर, हरभऱ्याचे ४७ हजार ३२४ हेक्टरवर पेरणी झाली होती. गेल्या वर्षीच्या तुलनेत यंदा कमी झालेल्या पावसाचा मोठा परिणाम रब्बीवर होणार असून पेरणीच्या क्षेत्रात मोठी घट होण्याची शक्यता आहे.  

बहुतांशी पाऊस हा पश्चिमेकडील भोर, वेल्हा, मावळ, मुळशी, जुन्नर, आंबेगाव, खेड या तालुक्यांत झाला आहे. त्यामुळे पश्चिम पट्ट्यातील बहुतांशी धरणे भरली आहेत. मात्र, पूर्व पट्ट्यातील खेड, हवेलीचा पूर्व भाग, शिरूर, दौड, पुरंदर, बारामती, इंदापूर या तालुक्यांत पावसाने हुलकावणी दिली.

कमी पावसामुळे जमिनीत पुरेशी ओल उपलब्ध नाही. त्याचा परिणाम रब्बी पेरण्यावर होणार आहे. ज्या शेतकऱ्यांकडे पाण्याची सुविधा आहे. अशा शेतकऱ्यांसाठी निविष्ठा उपलब्ध करून देण्याचे नियोजन केले आहे. - बी. जे. पलघडमल, जिल्हा अधीक्षक कृषी अधिकारी, पुणे

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Onion Market : कांदा उत्पादकांच्या डोळ्यात पुन्हा धुळफेक; सरकारने दिलेली ९९,१५० टन निर्यातीला परवानगी जुनीच

Maharashtra Rain : राज्यात दोन दिवस पावसाची शक्यता ; तर काही भागात वादळी पावसाचा अंदाज कायम

Groundnut Flower : मका पोटरीत, तर भुईमूग फुले लागण्याच्या अवस्थेत

Fire in Nainital forest : नैनितालच्या जंगलात भीषण आग; लष्करासह, हवाई दलाकडून आग आटोक्यात आणण्याचे प्रयत्न

Kharif Sowing : धाराशिव जिल्ह्यात ५ लाख हेक्टरवर पेरणी प्रस्तावित

SCROLL FOR NEXT