औरंगाबाद : खरिपाचा हंगाम हातचा गेल्यानंतर आशा असलेल्या रब्बी हंगामातील पेरणीही लांबणीवर पडली आहे. ९ नोव्हेंबरपर्यंत औरंगाबाद, जालना व बीड या तीन जिल्ह्यांत सरासरी क्षेत्राच्या तुलनेत केवळ ९ टक्‍के क्षेत्रावरीलच पेरणी उरकली होती. शिवाय काही पिकांचा पेरणीचा कालावधी हातचा गेल्याने अपेक्षित क्षेत्रावर पेरणी होऊ शकेल का हा प्रश्‍न आहे. 

यंदाच्या रब्बी हंगामासाठी औरंगाबाद, जालना व बीड या तीन जिल्ह्यांत मिळून रब्बीचे सरासरी ६ लाख ४ हजार ५३२ हेक्‍टर क्षेत्र आहे. ९ नोव्हेंबर अखेरपर्यंत ५५ हजार ९०१ हेक्‍टरवर ९.२५ टक्‍के क्षेत्रावरच पेरणी झाली आहे. औरंगाबाद जिल्ह्यात रब्बीचे सरासरी क्षेत्र १ लाख ४८ हजार ६८४ हेक्‍टर आहे. त्यापैकी २४५७ हेक्‍टरवर अर्थात १.६५ टक्‍के क्षेत्रावर पेरणी झाली आहे. जालना जिल्ह्यात रब्बीचे सरासरी क्षेत्र १ लाख ७४ हजार ३६८ हेक्‍टर आहे. त्यापैकी ७८७८ हेक्‍टरवर, अर्थात ४.५२ टक्‍के पेरणी उरकली आहे. बीड जिल्ह्यात रब्बीचे सरासरी क्षेत्र २ लाख ८१ हजार ४७९ हेक्‍टर आहे. त्यापैकी ४५ हजार ५६५ हेक्‍टरवर, अर्थात १६.१९ टक्‍के क्षेत्रावर पेरणी उरकली आहे.   

पीकनिहाय पेरणी अपेक्षित कालावधी