बदनापूर, जि. जालना : डॉ. पंजाबराव देशमुख कृषी विद्यापीठाच्या माध्यमातून आयोजित ४८ व्या ‘जॉइंट ॲग्रेस्को’मध्ये बदनापूर कृषी संशोधन केंद्राने विकसित केलेल्या तुरीच्या गोदावरी (बीडीएन २०१३-४१) या जातीची महाराष्ट्रामध्ये लागवड करण्यासाठी शिफारस करण्यात आली आहे. वसंतराव नाईक मराठवाडा कृषी विद्यापीठांतर्गत असलेल्या बदनापूर कृषी संशोधन केंद्राच्या यशात यामुळे मानाचा तुरा रोवला गेला आहे.

या जातीच्या संशोधनाबाबत कडधान्य पैदासकार डॉ. दीपक पाटील म्हणाले की, या केंद्राने बीडीएन-२  ही दाण्याचा पांढरा रंग असलेली जात विकसित केली होती. परंतु ही जात मर रोगास बळी पडते. त्यामुळे काहीवेळा उत्पादनात घट येत होती. संशोधनासाठी बीडीएन-२ जातीचा आधार घेत आम्ही २०१० पासून नवीन जात विकसित करण्यास सुरुवात केली. दहा वर्षांनी आम्ही गोदावरी (बीडीएन २०१३ - ४१) ही जात विकसित केली आहे.

जातीची वैशिष्ट्ये

वसंतराव नाईक मराठवाडा कृषी विद्यापीठाचे कुलगुरू डॉ. अशोक ढवण यांचे भक्कम पाठबळ आणि संशोधन संचालक संशोधन डॉ. दत्तप्रसाद वासकर यांच्या सातत्यपूर्ण पाठपुराव्यामुळे ही जात प्रसारित झाली आहे. संशोधनासाठी प्रा. विष्णू गिते यांचेही मोलाचे योगदान लाभले आहे. — डॉ. दीपक पाटील, कडधान्य पैदासकार, कृषी संशोधन केंद्र, बदनापूर