नगर : लॉकडाउनच्या आधी दुधाला ३२ ते ३५ रुपये प्रती लिटर दर मिळत होता. मात्र लॉकडाउन नंतर दर थेट २२ रुपयांवर आला. दीड महिन्यांपूर्वी दूध विकास मंत्र्यांसोबत बैठक होऊनही दरवाढ केली नसल्याने राज्यात पुन्हा एकदा किसान सभा, राज्य दूध उत्पादक संघर्ष समितीने दूध दरासाठी सोमवारी, ९ ऑगस्ट रोजी आंदोलन करण्याचा निर्णय घेतला आहे. या वेळीही दूध संकलन केंद्र हेच आंदोलनाचे केंद्र असेल. मागण्यांची तीव्रता सरकारला गांभीर्याने कळावी, यासाठी सोशल मीडिया, प्रसार माध्यमाची मदत घेतली जाणार आहे.  दूध उत्पादक शेतकरी संघर्ष समितीची बुधवारी (ता.४) ऑनलाइन बैठक झाली. किसान सभेचे नेते डॉ. अशोक ढवळे, डॉ, अजित नवले, ज्योतिराम जाधव, यांच्यासह कार्यकर्ते व नेते सहभागी झाले होते. 

सोळा जिल्ह्यांत होणार तीव्र आंदोलन दूधदराच्या आंदोलनात नगर, पुणे, नाशिक, सातारा, सोलापूर, सांगली, कोल्हापूर, उस्मानाबाद, जालना, बुलढाणा, लातूर, ठाणे, जळगावसह सोळा जिल्ह्यांत प्रामुख्याने दूध आंदोलनाचा जोर असेल. नऊ  ऑगस्टला सकाळी आंदोलक दूध केंद्रावर येऊन निदर्शने करतील. सरकाररुपी दगडाला अभिषेक घालून निषेध करतील. दुपारी तहसीलदारांना निवेदन दिले जाईल. आंदोलनाचे जास्तीत फोटो, व्हिडिओ, मेल मुख्यमंत्री, उपमुख्यमंत्री व दुधविकास मंत्र्याना पाठवून दूधदराची तीव्रता कळवली जाणार आहे. दुधविकास मंत्री व खासगी संघाचे प्रतिनिधी यांची मंत्रालयात बैठक होऊन दीड महिना झालातरी दराबाबत निर्णय होत नसल्याने शेतकऱ्यांत संताप आहे. 

देशव्यापी संघटनाचे नियोजन  दुधाचा प्रश्न केवळ महाराष्ट्रातच नाही तर देशभरात आहे. त्यामुळे अखिल किसान सभेच्या माध्यमातून देशव्यापी संघटन करण्याचे नियोजन केले आहे. उत्तर प्रदेश, गुजरात, पंजाब, मध्य प्रदेश, हरियाना, पंजाबमधील शेतकरी नेते, संघटनांना एकत्र करून संघटन करण्याच्या दृष्टीने प्रयत्न सुरू असल्याचे डॉ. अजित नवले यांनी सांगितले. अशा आहेत मागण्या