परभणी ः महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत जिल्ह्यात मंगळवारी (ता.२३) कृषी विभाग, रेशीम विभाग तसेच ग्रामपंचायतीच्या अखत्यारितील मिळून एकूण ५९४ कामे सुरू आहेत. त्यावर ६ हजार ५०२ मजूर कामांवर असल्याची माहिती सूत्रांनी दिली.

कृषी विभागांतर्गत फळबाग लागवडीची मानवत तालुक्यात ३८ कामे, परभणी, पूर्णा तालुक्यात प्रत्येकी दोन कामे, सेलू तालुक्यात ११ कामे, सोनपेठ तालुक्यात ४ कामे अशी  एकूण ५७ कामे सुरु आहेत. रेशीम विभागाअंतर्गत तुती लागवडीची मानवत तालुक्यात १५ कामे सुरू आहेत.

पूर्णा तालुक्यात रोपवाटिकेची ३ कामे सुरु आहेत. सामाजिक वनीकरणांतर्गत जिंतूर तालुक्यात १ काम सुरू आहे. ग्रामपंचायती अंतर्गतच्या कामांमध्ये घरकुल बांधकामांची ९१ कामे, सार्वजनिक विहिरींची २२ ठिकाणी, तर वैयक्तिक सिंचन विहिरींची ३९९ कामे सुरू आहेत.