पुणे : राज्य सरकारच्या कर्जमाफी योजनेतील पुणे जिल्ह्याची २५ हजार ६६२ पात्र शेतकऱ्यांची चौथी हिरवी यादी ‘पुणे जिल्हा सहकारी बॅंके’ला (पीडीसीसी) मिळाली आहे. चौथ्या यादीच्या कर्जमाफीची एकूण रक्कम ५७ कोटी ९७ लाख रुपये आहे. 

कर्जमाफीतील अटींनुसार, पुणे जिल्ह्यातील ऑनलाइन अर्ज दाखल केलेल्या २ लाख २० हजार ३८६ पैकी आत्तापर्यंत ३८ हजार ३९४ शेतकऱ्यांच्या खात्यात २१२ कोटी ४२ लाख आणि नियमित कर्जफेड करणाऱ्या ६३ हजार ४७२ शेतकऱ्यांच्या खात्यात ११० कोटी ४३ लाख रुपये जमा करण्यात आले आहेत. एकूण १ लाख १ हजार ८६६ शेतकऱ्यांच्या बॅंक खात्यावर ३२२ कोटी ८५ लाख रुपये जमा केल्याचे सूत्रांकडून सांगण्यात आले.