सोलापूर : लॅाकडाउनमुळे जिल्ह्यात अडकलेल्या नागरिकांसाठी गावी जाण्यासाठी, तसेच जिल्ह्यात येण्यासाठी प्रशासनाकडून पास देण्यात येणार आहेत. त्यासाठी https://covid19.mhpolice.in या वेबसाईटवर ऑनलाईन अर्ज सादर करणे आवश्यक आहे, असे आवाहन प्रशासनाकडून करण्यात आले आहे. 

ऑनलाइन अर्ज भरताना फोटो, आधारकार्ड, अगर तत्सम फोटो ओळखपत्र, नोंदणीकृत वैद्यकीय व्यवसायिकाकडून कोविड-१९ ची लक्षणे व बाधा नसल्याबाबतचे प्रमाणपत्र अपलोड करणे आवश्यक आहे. त्यानंतर प्रवासी वास्तव्यास असलेल्या जिल्ह्याकडून परवानगी मिळाल्यानंतर प्रवासासाठी अंतिम परवानगी देण्यात येईल. पास, सर्व प्रवाशांचे ओळखपत्र, सर्व प्रवाशांचे वैद्यकीय प्रमाणपत्र सोबत असणे बंधनकारक राहील. गरजूंनी व्यक्तिगत, अथवा संबंधित ग्रामपंचायत, ग्रामस्तरीय समितीकडून अर्ज भरुन घ्यावा. 

जिल्ह्यातील इतर राज्यात, जिल्हयात अडकले नागरिकांनी तेथील पोलिस आयुक्त, जिल्हाधिकारी कार्यालयाकडे अर्ज करावा. अधिका माहितीसाठी जिल्हाधिकारी कार्यालय टोल फ्री क्रमांक-१०७७, जिल्हा पुनर्वसन कार्यालय, सोलापूर (दूरध्वनी- ०२१७- २७३१००७) किंवा पोलिस आयुक्त, सोलापूर (सायबर सेल) (दूरध्वनी- ०२१७- २७४४६१६) या क्रमांकावर संपर्क साधावा.