मंडणगड, जि. रत्नागिरी ः मंडणगड तालुक्यातील वलौते येथील शेतघराला लागलेल्या आगीत पाच गुरांचा होरपळून अंत झाला. त्यात सुमारे साडेचार लाख रुपयांचे नुकसान झाले आहे. हा प्रकार शुक्रवारी (ता. ८) दुपारी दोनच्या सुमारास ही दुर्घटना घडला. 

वलौते येथील गयासुद्दीन महंमद करेल यांच्या गोठ्यात तिडे आदिवासीवाडी येथील पांडुरंग हिलम वास्तव करून आपली उपजीविका करत होते. ८ मे रोजी संपूर्ण कुटुंब वाड्याबाहेर गेले होते. दुपारी दोन वाजण्याच्या दरम्यान अचानक लागलेल्या आगीत वाडा आगीच्या भक्ष्यस्थानी पडला. 

या अपघातात वाड्यात बांधून ठेवलेली १ गाभण गाय, ३ दुभत्या गाई, १ पाडा यांची जीवितहानी झाली. पंचनाम्यानुसार वाड्यातील गवताच्या पेंडी, सव्वादोन खंडी भात, तांदूळ, सोन्याचे दागिने, रोख रक्कम जळून खाक झाली. लागलेल्या आगीचे कारण अद्याप स्पष्ट झाले नाही.