मुंबई : राज्याच्या मुख्य सचिवपदी नियुक्ती झालेल्या संजय कुमार यांनी निवृत्त मुख्य सचिव अजोय मेहता यांच्याकडून मंगळवारी (ता. ३०) पदभार स्वीकारला.

या वेळी विविध विभागांचे अपर मुख्य सचिव, प्रधान सचिव, सचिव यांनी नवनियुक्त मुख्य सचिवांना शुभेच्छा दिल्या. या वेळी श्री. मेहता यांनी मुख्य सचिव संजय कुमार यांचे पुष्पगुच्छ देऊन स्वागत केले.

पदभार स्वीकारल्यानंतर मुख्य सचिव संजय कुमार म्हणाले, की गेल्या चार महिन्यांपासून राज्याचे प्रशासन कोरोना संकटाचा यशस्वी मुकाबला करीत आहे. कोरोनाचा प्रादुर्भाव रोखण्यासाठी मुख्यमंत्री, उपमुख्यमंत्री यांच्या मार्गदर्शनाखाली सुरू असलेल्या उपाययोजनांची प्रभावीपणे अमंलबजावणी केली जाईल. राज्याच्या अर्थव्यवस्थेला गती देण्यासाठी प्रयत्न करतानाचा राज्यातील खरीप हंगामासाठी जे नियोजन करण्यात आले आहे त्याला मूर्त स्वरूप देण्यात येईल.