भिवंडी : भिवंडी पंचायत समितीच्या सभापतिपदी भाजपच्या रविना रवींद्र जाधव यांची, तर उपसभापतिपदी मनसेच्या वृशाली रवींद्र विशे यांची ईश्वरीय चिठ्ठीने निवड झाली.

शिवसेना व भाजपचे संख्याबळ समान असतानाही, भाजपचे खासदार कपिल पाटील यांनी कॉंग्रेस सदस्यांचा पाठिंबा मिळवून शिवसेनेवर मात केली. या विजयामुळे भिवंडी तालुक्‍यावर कपिल पाटील यांची पकड पुन्हा घट्ट झाली असल्याची चर्चा आहे.

सभापतिपदी रविना जाधव यांचा; तर उपसभापतिपदी मनसेच्या वृषाली रवींद्र विशे यांची ईश्‍वरीय चिठ्‌ठीने निवड झाली. स्थानिक शिवसेना नेत्यांच्या गटबाजीमुळे शिवसेनेसोबत महायुतीत असलेले कॉंग्रेसचे दोन सदस्य ऐनवेळी भाजपच्या गोटात दाखल झाल्याची चर्चा आहे.